Google ADS

Britani, 5 aktivistë të klimës dënohen me burg për bllokimin e rrugëve

10:32 | 3 Shkurt 2022
A Z

Pesë aktivistë të mjedisit nga “Insulate Britain” u dënuan me burg të mërkurën për moszbatimin e urdhrit të gjykatës kundër bllokimit të rrugëve, transmeton Anadolu Agency.

Aktivistët e klimës, të cilët bllokuan trafikun në autostradën M25 që rrethon Londrën, shtatorin e kaluar, u dënuan me burg nga 24 deri në 42 ditë.

Ndërkaq, për 11 aktivistëve të të njëjtit grup u pezulluan dënimet.

“Do të vazhdoj të bëj gjithçka që mundem për të mbrojtur përdoruesit e rrugëve nga ata që vënë jetën në rrezik dhe u shkaktojnë pengesa mijëra njerëzve”, shkroi në Twitter sekretari britanik i Transportit, Grant Shapps.

Në nëntor, gjykata dënoi gjithashtu 9 anëtarët e grupit me burg për bllokimin e rrugëve.

“Insulate Britain” kërkon zbatimin e një programi kombëtar me të cilin do të siguronte që të gjitha shtëpitë të jenë të izoluara për të kursyer energji.

Shpërndaje në rrjete sociale

Lajmet më të lexuara

Të ngjashme

Foto lajm